Бағраш көлидики 20 миң мо қумушлуққа от кетип қумушлар көйүп кәтти


2014.02.20
Share on WhatsApp
Share on WhatsApp


Тәңритағ торидин берилгән хәвәрдин қариғанда, бағраш көлидики 20 миң мо қумушлуққа от кәткән.

Вәқә гәрчә 17 - феврал күни йүз бәргән болсиму, тәңритағ тори хәвәрни бүгүн елан қилған. Хәвәрдә ейтилишичә, 17 - феврал саәт 10:00 әтрапида техи орулмиған қумушлуққа кәң даиридә от кәткән. Көл районидики қомушлуқ омумий көлими тәхминән 600 миң мо болуп, бу қетимқи от апитидә тәхминән 20 миң мо қомушлуқ көйүп кәткән. Хәвәрдә, бу қетимлиқ от апитидә өлүш - ярилиниш әһвали кәп чиқмиғанлиқини, от кетиш сәвәбиниң тәкшүрүлүватқанлиқи билдүрүлгән.

Бағраш көли уйғур ели бойичә вә шундақла хитай бойичиму әң чоң ички қуруқлуқ татлиқ су көли болуп, көлими 1200 нәччә кивадрат километир келиду. Әмма бағраш көлидики екологийилик муһитниң еғир дәриҗидә булғиниши көзәткүчиләрни әндишигә салмақта. Бағраш көли вә әтраптики сазлиқлар кәм учрайдиған аққу, ғаз, өрдәк вә һәр түрлүк йәрлик белиқларниң макани болуп, хитай мәзкур көлни саяһәтчиләргә ечивәткән нәччә он йилдин буян, бу кәм учрайдиған қуш вә белиқларниң түри зор дәриҗидә азайған, һәтта бәзилири йоқилип кетиш гирдабиға берип қалған. Униң үстигә бағраш көли әтрапида һәддидин зиядә көп қурулуш түрлири йолға қоюлғанлиқтин, көл сүйи 10 йил аввалқисиға қариғанда 50 пирсәнт төвәнләп кәткән иди.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.