Uyghur élidiki ijtima'iy teshkilatlarni bir tutash bashqurush emelge ashurulidiken

Muxbirimiz irade
2016.12.29
Share on WhatsApp
Share on WhatsApp

Tengritagh toridin bérilgen xewerdin qarighanda, Uyghur aptonom rayon da'iriliri Uyghur élidiki yashlar qurghan barliq ijtima'iy teshkilatlarni bir tutash bashqurush üchün “Shinjang yashlar ijtima'iy teshkilatliri a'ilisi” ni qurup chiqqan. Uning qurulush murasimi 12-ayning 26-küni ürümchide ötküzülgen.

Chet'ellerdiki közetküchiler bolsa buni xitay hökümitining kontrolni kücheytish herikitining bir parchisi, dep qarimaqta. Ularning éytishiche, Uyghur élining partkom sékrétari chén chüen'go kelgendin kéyin Uyghur élidiki siyasiy qamal yenimu kücheytilgen bolup, bu tedbir öz aldigha ish qiliwatqan barliq ijtima'iy teshkilatlarni, jümlidin yashlar qurghan teshkilatlarni nazaret qilish we uni kontrol qilip turushni meqset qilidiken.

Melum bolushiche, hazir Uyghur élida tizimgha aldurghan ijtima'iy teshkilatlar 8698 ge yétidighan bolup, xewerde ‛‛shinjang yashlar ijtima'iy teshkilatliri a'ilisi‚‚ qurulghandin kéyin, yéteklesh, terbiyelesh arqiliq qéliplashqan yashlar ijtima'iy teshkilatliri qurup chiqilidu, déyilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.