Shangxeyde ötküzülgen boks musabiqiside Uyghur mahiri zulpiqar netije yaratti

Muxbirimiz ümidwar
2016-01-31
Share


30 - Yanwar küni shangxey shehiride ötküzülgen bir boks musabiqiside yéngidin yétiship chiqqan boks mahiri zulpiqar muhemmedéli bir qanche meydan ghelibini qolgha keltürgen.

Uyghur tilidiki ündidar qatarliq ammiwi taratqulardiki tepsilatlargha qarighanda, 2016 - yili 30 - yanwar kechte shangxey shehiridiki"Dongfang" tenterbiye merkizide ötküzülgen bir xelq'araliq boks alahide heptilikige qatnashqan Uyghur mahiri zulpiqar uda töt qétim ghelibe qilghandin kéyin, yene awstraliyelik riqabetchisini yéngip netije qazan'ghan.

Musabiqining neq meydan sin alghu körünüshidin qarighanda mezkur ikki mahirning élishishi nahayiti keskin bolghan bolup, zulpiqar riqabetchisini musabiqining üchinchi aylanmisida téxnikiliq jehettin urup yiqitip, ghelibe qilghan. Musabiqe netijisi élan qilin'ghanda Uyghur mahiri bilen awstraliyilik mahiri quchaqliship, semimiy dostluq keypiyatini namayen qilip birge süretke chüshken.

Diqqetni tartqan yéri zulpiqar muhemmedéli we uning guruppisi uchisigha etlestin tikilgen mexsus tenterbiye kiyimliri, béshigha doppa kiyip, musabiqe meydanida özlirini namayen qilghan.

Zulpiqar muhemmedéli 2015 - yili 4 - ayda béyjingda ötküzülgen bir xelq'araliq boks musabiqiside taylandliq riqabetchisini yenggen we ikkinchiliq orunni igiligen.

"Nur tori" da élan qilin'ghan mexsus tepsilatta bayan qilinishiche, zulpiqar muhemmedéli 1994 - yili'i mekit nahiyiside boks meshqawuli a'iliside dunyagha kelgen iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet