Чен чүәнго атуштики зияритидә сотсиялистик атуш қуруп чиқишни тәләп қилди

Мухбиримиз ирадә
2016-12-08
Share

Хәлқ торида берилгән хәвәрдин қариғанда, уйғур аптоном районлуқ парткомниң секретари чен чүәнго 6- 7- декабир күнлири атушни зиярәт қилип, атуштики асасий қатлам кадирлири, диний затлар, қош тил йәслилири вә җ х кадир - сақчилири, қораллиқ сақчи офитсер - әскәрлири билән көрүшкән.

Чен чүәнго уларға мундақ дегән: “ иҗтимаий муқимлиқ вә әбәдий әминлик баш нишанини һәр вақит есимиздә чиң сақлап, террорлуққа қарши туруш, муқимлиқни қоғдашни һәммини бесип чүшидиған сиясий вәзипә, тәйшән теғидинму еғир сиясий мәсулийәт, дәп қаришимиз керәк.. “милләтләр иттипақлишип бир аилә кишилиридәк болуш” паалийитини кәң вә паал қанат яйдуруп, милләтләрниң алақиси, арилишиши, алмаштурушини илгири сүрүш керәк... Вәтәнпәрвәр диний затларни тәрбийәләп, қоғдап, қанунсиз диний паалийәтләрни қанун бойичә түзәш керәк; асасий қатлам партийә тәшкилатлирини күчәйтип, партийәниң шинҗаңдики һакимийәт йүргүзүш асасини мустәһкәмләп, шинҗаңниң иҗтимаий муқимлиқи вә әбәдий әминликини күчлүк сиясий капаләткә игә қилиш керәк.”

Чен чүәнго секретар болғандин бери, уйғур елидики йезиларда “қош тил йәсли” қурулушини алаһидә чиң тутуп ишләшкә башлиған, у бу нөвәт атуштиму ағу йезисидики бир йәслини зиярәт қилип, қош тил маарипини күчәйтиш, балиларни кичикидин сотсиялистик аң вә милләтләр иттипақлиқи еңи билән тәрбийиләшниң мәңгүлүк әминлик яритиштики әһмийитини тәкитлигән.

Чәтәлләрдики уйғур көзәткүчиләр, чен чүәнгониң юқирида ейтқанлириниң уйғурларға мәҗбурий теңиливатқан вә уйғурлар әң қаттиқ нарази болуватқан сиясәтләр икәнликини вә буни изчил давамлаштурушниң еғир ақивәтләрни пәйда қилидиғанлиқини билдүрди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт