Йеңи зеландийә зәйтун топ чолпини хитайниң уйғурларға тутқан муамилисини тәнқид қилди

2020-02-03
Елхәт
Пикир
Share
Принт

Йеңи зеландийә зәйтун топ чолпини соний бил вилямис «скай хәвәрлири» қанилиниң зияритини қобул қилип, хитайниң уйғур мусулманлириға тутқан муамилисини тәнқид қилған. Бу соний бил вилямисниң тунҗи қетим бир хәвәр қанилида хитайниң уйғурларға тутқан муамилисини очуқ-ашкара тәнқид қилишидур.

У өткән йили 12‏-айда германийәлик путбол чолпини мәсут өзилниң иҗтимаий таратқуларда елан қилған уйғурлар һәққидики сөзини қоллап, зор ғулғула қозғиған иди. Соний вилямс 2‏-феврал күни «скай хәвәрлири» гә қилған сөзидә «хитайдики ака-сиңиллири» ниң өзиниң узун йиллиқ изчил қоллиғучиси икәнликини тәкитләп, «улар шу җайдики тутқунлар лагерлирида ятмақта вә көңүл илишқудәк наһәқсизликкә учримақта,» дегән.

У йәнә «маңа нисбәтән мән пәқәт өзүм билгән һәқиқәтни сөзлидим. Бәзидә мән хаталишишим мумкин, әмма бу мәсилидә мән қәтий хаталашмиғанлиқимни билимән,» дегән.

Соний бил вилямс өткән қетим мәсут өзилни қоллиғанда хитайниң йеңи зеландийәдики әлчиханиси униң уйғурлар мәсилисидә «сахта хәвәрләр» ниң аздурушиға учрап кәткәнликини илгири сүргән иди. Лекин соний бил вилямс «скай хәвәрлири» дә мундақ дегән: «мәйли кишиләрниң чәткә қеқишиға учраң яки учримаң, бәзидә сизниң һәқиқәтни сөзлишиңизгә тоғра келиду. . . Мән даим өзүм үчүн әмәс, бәлки тоғра дәп һес қилған нәрсиләр үчүн дәс туруп кәлдим. Бу даим шундақ болуп кәлди.»

Германийәлик путбол чолпини мәсут өзил өткән йили уйғурларни қоллиғандин кейин хитай униңға қарита бәзи өч елиш характерлик тәдбирлирини қолланған иди. Лекин соний вилямас «сикай хәвәрлири» гә өзиниң бундақ тәһдитләрдин қорқуп қалмайдиғанлиқини билдүрүп, «бир тәнтәрбийәчи болуш сүпитим билән бу хил вәзийәткә мән йетәрлик аваз чиқиралмидим дейиштин хиҗаләт болидиған болдум.»

Пикирләр (0)
Share
Толуқ бәт