Америка дөләт мәҗлисидә уйғурларниң кишилик һоқуқ вәзийити һәққидә мәхсус йиғин ечилди

Мухбиримиз ирадә
2017-10-26
Share

26-Өктәбир күни америка дөләт мәҗлисидә мәхсус уйғурлар һәққидә бир гуваһлиқ бериш йиғини өткүзүлди. Бу йиғин, америка дөләт мәҗлисигә қарашлиқ “том ләнтос кишилик һоқуқ комитети” тәрипидин уюштурулди.

Мәзкур йиғинниң темиси “хитайдики вә чәтәлләрдики уйғурларниң кишилик һоқуқи” дегән темиға беғишланған болуп, йиғинға дуня уйғур қурултийиниң рәиси рабийә қадир ханим, “хәлқара кишилик һоқуқни көзитиш тәшкилати” хитай ишлири директори софи ричардсон, “ташқи сиясәт” журнилиниң мухбири бесаний әллин ханим вә “әркин асия радийоси” уйғур бөлүминиң башлиқи алим сейитоф әпәндиләр қатнашти вә уйғурларниң вәзийити үстидә сөз қилди.

Уйғурларниң мәйли уйғур елида болсун яки чәтәлләрдә болсун, хитай һөкүмитиниң түрлүк усуллар арқилиқ қиливатқан биваситә вә васитилик бесимиға учраватқанлиқи тәкитләнгән бу йиғинда уйғурларға қилиниватқан зулумниң хәлқараға ашкарилиниш мәсилисиму алаһидә оттуриға қоюлди. Софи ричардсон вә бетиний ханимлар сөзлиридә “әркин асия радийоси” уйғур бөлүминиң бу җәһәттә һәл қилғуч рол ойнаватқанлиқини тәкитлигән шундақла “әркин асия радийоси” ға берилидиған мәбләғниң көпәйтилиши вә уларниң хизмәтлириниң көпләп қоллашқа еришиши керәкликини алаһидә әскәрткән.

Йиғин һәққидики тәпсилатларни аңлитишимиз давамида тәпсилий хәвәрләр сәһиписидә давамлиқ аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт