Водров вилсон мәркизиниң совет архиплири амбирида әлихан төриниң хети орун алди

Мухбиримиз үмидвар
2016-11-06
Share

Америкидики водров вилсон мәркизиниң соғуқ мунасивәтләр уруши тәтқиқат программиси бойичә тәйярланған бир қисим сабиқ совет иттипақи мәхпий архип һөҗҗәтлири амбириға 1934-йилидин 1949-йилларғичә болған арилиқтики уйғур дияриға аит совет архип һөҗҗәтлириму киргүзүлгән болуп, буларниң ичидә мәлум салмақтики һөҗҗәтләр 1944-1949-йиллардики миллий азадлиқ инқилаб дәвригә мунасивәтликтур. Әнә шу һөҗҗәтләр қатарида шәрқий түркистан җумһурийити һөкүмитиниң рәиси әлихан төриниң 1945-йили, 22-април күни совет иттипақи рәһбири сталинға язған мәхсус хетиму орун алған.

Совет архип һөҗҗитидин ашкарилинишичә, мәзкур хәт әлихан төрә тәрипидин түркий тилида йезилған болуп, алди билән ғулҗидики 2-дом вәкиллири арқилиқ тәрҗимә қилинғандин кейин совет иттипақи ички ишлар хәлқ комиссари лавренти берияға йәткүзүлгәндин, берия хәтни сталин вә молотовға йәткүзүп бәргән.

Хәт ахириға “әлихан төрә шакирҗан” дегән имза қоюлған болуп, әлихан төрә өзиниң бу қисқа хетидә сталинниң бәргән ярдәмлиригә рәһмәт билдүргән һәмдә униңдин техиму зор ядәмләрни күтүш үмиди изһар қилинған.

Әлихан төрә сталинға хәт әвәткән вақит или вилайити толуқ азад болған вә милли армийә қурулуп, пүтүн шимал, шәрқ вә җәнубий йөнилишләр бойичә һәрбий һәрикәт башлаш ишәнчиси күчәйгән пәйт иди.

Һазирғичә мәлум болған мәхпи һөҗҗәтләргә көрә әлихан төриниң совет али рәһбәрлиригә язға үч парчә хети һәққидә учур бар.

Водров вилсон мәркизиниң архип амбирида йәнә ғулҗидики совет иттипақи хадимлири, җүмлидин совет иттипақи дөләт ички ишлар хәлқ комиссариятиниң юқири дәрҗилик вәкили генерал майор владимир степанович йегнаровниң бир қисим доклатлириму орун алған. Әлвәттә, йәнә көплигән мәхпий һөҗҗәтләр техи бу җайға топлиниш имканийитигә игә болмиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт