Корк университети «әхлақий кәмтүклүк» тә әйибләнди

Мухбиримиз әзиз
2020-10-28
Share

Йеқинда бейҗиңдики милләтләр университети билән болған мунасивитини техиму қоюқлаштурмақчи болған корк университети һәрқайси саһәләрниң «бу әхлақ кәмтүклүки қилмиши» дәп әйиблишигә дуч кәлди.

«Иреландийә вақти» гезитиниң 28-өктәбирдики хәвиридә ейтилишичә, ерландийәдики әң чоң алий мәктәпләрдин болған корк университети «илмий алақә» намида милләтләр университети билән техиму кәң көләмлик һәмкарлиқ мунасивити орнитишни ойлашмақта икән. Мәзкур университетниң бу қарари җәмийәткә мәлум болғандин кейин милләтләр университетиниң хитайдики компартийә әмәлдарлирини тәрбийәләйдиған муһим орун икәнлики, бу җайда йәнә хитай һөкүмити көпләп лагер бәрпа қиливатқан уйғур дияридин кәлгән оқуғучиларниңму оқуйдиғанлиқи, шулар қатарида уйғур зиялийси илһам тохти вә униң алтә оқуғучисиниң қамақта икәнлики қайтидин оттуриға чиқип, зор ғулғулиға сәвәб болған.

Вилсон мәркизиниң хадими александир дукалсикий бу һәқтә сөз қилип: «шинҗаңда лагер қуруп кишиләрни ‹қайта тәрбийә' гә зорлаватқан бир һөкүмәт башқуришидики милләтләр университети билән болған алақисини чоңқурлаштуруш сепи өзидин әхлақий мәсилидур,» дегән.

Мәлум болушичә, 2020-йилиниң бешида милләтләр университети корк университетиға он миң данә маска әвәтиш арқилиқ өзлириниң «инсанпәрвәрлик ярдими» ни көрсәткән икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.