Ғулҗида бир қисим паһишә гумандарлири тутқун қилинди

Мухбиримиз меһрибан
2014-07-15
Елхәт
Пикир
Share
Принт


Хитайниң қанун ториниң 15 - июлдики хәвиридин мәлум болушичә, ғулҗа шәһридә елип берилған бир йиллиқ террорлуққа зәрбә бериш һәрикитидә, сақчилар ғулҗа шәһиридики меһманханиларға омумийүзлүк тәкшүрүш елип берип, муқимлиққа тәсир йәткүзүш еһтимали еғир дәп қаралған бир қисим гуманлиқ кишиләрни разветка қилиш җәрянида бәзи шәхсий меһманханиларниң паһишә сорунлириға айланғанлиқини ениқлап, өткән һәптә ичидә 11 гумандарни тутқан.

Хәвәрдә йезилишичә, бу қетимқи тутқун қилиш пуқралар паш қилған йип учиға асасән елип берилған.

Зиянкәшликкә учриғучилар йеқиндин буян ғулҗидики бир қисим шәхсий меһманханиларниң хоҗайинлири такси шопурлири билән бирлишип, йолучиларни паһишиләр мулазимәт қилидиған меһманханиларға мәҗбури елип келип, уларни қақти - соқти қилғанлиқи үстидин сақчиханиларға дело мәлум қилғандин кейин сақчилар һәркәт қолланған.

Хәвәрләрдин мәлум болушичә, йеқинқи йиллардин буян, уйғур елигә ичкири хитайдин кәлгән көчмәнләр арисида уйғурлар зич олтурақлашқан җайларда меһманхана, сатрачхана, һор мунча, увилаш өйи қатарлиқ мулазимәт орунлирини ачидиғанлар ашқан болуп, буларниң арисида мәхпий паһишилиқни йолға қойғанларму көпәйгән. Бу әһваллар аһалиларниң қаттиқ наразилиқлири қозғап, бир қатар һуҗум вәқәлиригә сәвәб болғанлиқи инкас қилинған иди.

Пикирләр (0)
Share
Толуқ бәт