Ғулҗа шәһири билән хитай өлкилири арилиқида биваситә пойиз қатниши башланған

Мухбиримиз қутлан
2014-12-15
Share


Җуңго уйғурчә радио ториниң хәвиригә қариғанда, 10 - декабир күни ғулҗа вогзалидин шаңхәйгә биваситә қатнайдиған йолучилар пойизи йолға чиққан.

Хитайдики һөкүмәт таратқулири бу һәқтә дағдуғилиқ хәвәр берип, "шинҗаңниң или районидин ичкий өлкиләргә биваста қатнайдиған пойиз болмаслиқ тарихиға хатимә берилди" дегән.

Мәлум болушичә, ғулҗидин шаңхәйгә биваситә қатнайдиған йолучилар пойизиниң омумий мусаписи 4742 километир болуп, җәмий 55 саәт 40 минут вақит кетидикән. Бу пойиз шаңхәй вогзалиға йетип барғучә 6 өлкә, аптоном район вә биваситә қарашлиқ шәһәрни кесип өтидикән вә 32 чоң вогзалда тохтап өтидикән.

Хитай таратқулири ғулҗидин шаңхәйгичә болған йеңи линийәниң хитайдики әң узун пойиз линийәлириниң бири икәнликини илгири сүргән.

Көзәткүчиләр хитайдики дәриҗидин ташқири әң чоң шәһәр шаңхәйдин ғулҗа шәһиригә биваситә йолучилар пойизи линийәсиниң ечилиши хитайниң уйғур елиға хитай көчмәнлирини көчүрүшини һәмдә оттура асияға ямришини тезлитиду, дәп қаримақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт