Хәлқара мухбирлар тәшкилати 2014 - йили хоңкоңниң мәтбуат әркинлики чекингәнликини билдүрди

Мухбиримиз ирадә
2015-01-28
Share


Хәлқара мухбирлар тәшкилати 26 - январ дүшәнбә елан қилған хоңкоңниң 2014 - йиллиқ мәтбуат әркинлики доклатида, 2014 - йили хоңкоңниң мәтбуатлири "пәрдә арқисидики намәлум қара қолниң контрол қилишиға учраватқан әһвал еғирлашқан" лиқини тилға елип, хоңкоңда мәтбуат әркинликиниң чекингәнликини билдүрди.

Хәлқара мухбирлар тәшкилатиниң доклатида 2014 - йили хоңкоңда йүз бәргән демократик намайиш вә башқа бирқанчә қетимлиқ вәқәләрдә "алма гезити;, "миңбав гезити" қатарлиқ мәтбуатларниң һәр хил бесимларға учриғанлиқи тилға елинған. Хәвәрдә йәнә хитай чоң қуруқлуқидики мәтбуат әркинликиниң 2014 - йили әң қаттиқ бастурушқа учриғанлиқи оттуриға қоюлуп, "нөвәттики хитай чоң қуруқлуқиниң вәзийити 15 йилдин буянқи әң қараңғу һаләттә" дәп тәсвирләнгән.

Фирансийә агентлиқи вә германийә авазиниң дүшәнбә күнидики хәвәрлиридә хәлқара мухбирлар тәшкилатиниң "хоңкоң мәтбуат әркинлики пәрдә арқисидики қара қолларниң контроллуқиға учраватиду. Хәлқара мухбирлар тәшкилати чоң қуруқлуқ вә хоңкоңдики сода саһәсидикиләргә, әркин вә мустәқил мәтбуатларниң сода муһитида муһим роли барлиқини агаһландуримиз" дегән чақириқи нәқил елинған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт