Xitay da'iriliri ibnor köli ékologiyesining bulghan'ghanliqini étirap qildi

Muxbirimiz jüme
2018-01-27
Élxet
Pikir
Share
Print

Xitay da'iriliri ibnor köli ékologiyesining bulghan'ghanliqini étirap qildi we buni eslige keltürüsh üchün bir qatar tedbirlerning élin'ghanliqini bildürdi.

Shinxu'a axbaratining xewer qilishiche, bortala oblasti yéqinda ibnor köli ékologiyesining bulghinishini keltürüp chiqarghan ishlepchiqirish we turmush mu'essesilirini pütünley chéqip tashlighan, köldin artémiye qongghuzi tutup jan baqidighan kishilerni qoghlighan.

Xewerge qarighanda, bu chéqish herikiti xitay merkizi ékologiyilik muhitni qoghdashni nazaret qilish guruppisining teklip-pikirlirige asasen qozghalghan.

Melum bolushiche, xitay merkiziy hökümiti ötken yili küzde Uyghur élige bir ékologiyilik muhitni qoghdash ehwalini nazaret qilish guruppisi ewetken. Guruppa bu yil 2-yanwar Uyghur aptonom rayon da'irilirige tekshürüsh ehwalini inkas qilghan.

Inkaslarning ichide bortala tewesidiki artémiye qongghuzi tuxumi mehsulati ishlepchiqiridighan "Bo'eyféng" bi'o buyumlar cheklik shirkiti dep atilidighan bir xitay shirkitining ibnor kölining ékologiyilik muhitini eng éghir bulghaydighan amillarning biri ikenlikini körsitilgen.

Ibnor köli Uyghur élidiki eng chong tuzluq köllerning biri. Omumiy kölimi 650 kwadrat kilométir bolghan bu köl intayin mol kichik rak a'ilisige tewe artémiye qongghuzi zapisigha ige.

Melumatlargha qarighanda, artémiye qongghuzining tuxumi déngiz mehsulatlirining eng yaxshi yémiki bolghanliqi üchün xelq'ara bazarda yuqiri bahada sétilidiken.

Shunglashqa herbiy yili awghusttin noyabirghiche bolghan ariliqta ibnor kölige kélip artémiye qongghuzining tuxumini yighidighanlar sani nechche mingdin éship kétidiken. 
Xewerge qarighanda bu xildiki qalaymiqan yighish heriketliri kölning ékologiyesini éghir derijide halsiratqan.

Ilgiri da'iriler Uyghur élidiki eng chong tatliq su köli - baghrash kölining bulghan'ghanliqini étirap qilghan idi.

Toluq bet