Ички моңғулда сақчилар намайишчилардин 100 дин артуқ кишини яриландурған, 50 нәччә кишини тутқун қилған
“моңғул хәвәрлири” билогиниң 4-апирилдики хәвиригә қариғанда, өткән шәнбә күни чүштин кейин ички моңғулниң найман хошунида 500 нәпәр сақчи үч һәптидин буян шу җайдики химийә завутини қоршивалған намайишчиларни зорлуқ күч билән тарқақлаштурған.
Мәлум болушичә, сақчилар ток калтәк вә башқа зораванлиқ қораллирини ишқа селип намайишчи пуқралардин 100 көп кишини яриландурған, 50 нәччә кишини тутқун қилған.
Найман хошунидики химийә завутини қоршивелиш вәқәси 3-айниң 20-күнидин етибарән башланған болуп, әтраптики 7 кәнттин топланған авам пуқралар мәзкур завутни тақашни тәләп қилған. Нәтиҗидә пуқраларниң бесими билән мәзкур завут 3-айниң 24-күни иштин тохташқа мәҗбур болған.
Хәвәрдә дейилишичә, мәзкур химийә завути найман хошуниниң су мәнбәси вә орманлирини булғап, йәрлирини қақаслаштуривәткән. Пуқралар көп қетим һөкүмәт орунлириға әрз қилип мәзкур завутни тохтитишни тәләп қилған болсиму, лекин йәрлик һөкүмәт пәрва қилмиған.
Сақчилар билән пуқралар оттурисидики бу қетимлиқ қанлиқ тоқунуш һәққидә хитай һөкүмәт таратқулири көп хәвәр бәрмигән болсиму, әмма иҗтимаий таратқуларда зор ғулғула қозғалмақтикән.
- Бәхтияр бөрә: “мән уйғур, мән террорчи әмәс, ирқий қирғинчилиқни тохтат”
- Америка уйғур академийәсиниң 3-нөвәтлик сайлимида алдинқи хизмәтләр хуласилинип йеңи пиланлар оттуриға қоюлди
- Гүлистан әзиз: “иккинчи вәтиним-японийәни хитай тәһтидидин агаһландуруш вә қоғдаш мениң бурчум”
- Нури түркәл: “мениң комиссарлиқ хизмитим болсун вә яки һазирқи рәислик хизмитим болсун һәммиси асаслиқ уйғурларниң хизмитини қилишни мәркәз қилған”
- Б д т ниң ички қисмидики нишаниға мухалип қилмишлири вә уйғур мәсилиси
