Ichki mongghulning tunglyaw shehiridiki mongghullar namayishida tutqunlar sani köpeydi

Radiyomiz igiligen ehwallardin melum bolushiche, ichki mongghulning tonglyaw shehirige qarashliq zaruchi alxuldurulchin baziri sumrarulach kentide 8-aprél bashlan'ghan xitayning alyumin zawutining muhit bulghishigha qarshi naraziliq namayish seweblik tutqun qilin'ghanlar 14-aprél peyshenbe küni 8 ge yetken. Emma da'iriler, charwichilargha muhit bulghinish tölem puli bérilidighanliqini uqturghan.

14-Aprél etigen radi'omizgha ehwalni bayan qilghan charwichilarning bildürüshiche, bazarliq saqchixana xadimliri 12-apréldin bashlap adem tutushni bashlighan. Shu küni tutqun qilin'ghan namayishchilar bashlamchisi norshun hurichtin bashqa yene 7 neper mongghul charwichi charshenbe, peyshenbe künliri tutqun qilin'ghan bolup, da'iriler ulargha qalaymiqanchiliq chiqirip, chet'el taratqulirigha uchur ashkarilash qatarliq jinayetlerni artqan.

Melum bolushiche, charwiliri ölgen mongghullarning alyumin zawutining muhit bulghishigha qarshi naraziliq namayishidin kéyin, da'iriler tutqun qilish herikiti élip bérish bilen bille, charwichilarning naraziliqini peseytish we hökümetke kélidighan bésimni azaytish üchün charwichilargha muhit bulghinish tölimi béridighanliqinimu élan qilghan.

Ichki mongghuldiki kishilik hoquq pa'aliyetchisi shinnaning ündidar torigha yollighan uchuridin melum bolushiche, bazarliq hökümet we alyumin zawuti charwichilargha 5 yilliq muhit bulghinishi üchün her bir a'ilige 10 ming som xelq puli etrapida tölem tölinidighanliqini uqturghan. Emma mongghullarning zeherlinip ölgen charwiliri üchün qanchilik tölem bérilidighanliqi heqqide hökümet da'iriliri hazirghiche bashqa xewer bermigen.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar