«Ички моңғул аптоном райони» қурулғанлиқиниң 70 йиллиқида паалийәтчиләр аптономийә һәққидә тохталди

Мухбиримиз әзиз
2017-08-08
Share

Хитайдики һәр дәриҗилик ахбарат васитилири «ички моңғул аптоном райони» қурулғанлиқиниң 70 йиллиқи мунасивити билән моңғулларниң өткән 70 йилда хитай компартийәсиниң рәһбәрликидә қандақ зор «шанлиқ тәрәққият» ларға еришкәнлики һәққидә дәбдәбилик хәвәрләрни бериватқанлиқи мәлум. Әмма муһаҗирәттики моңғул сиясий паалийәтчиләр бу һәқтә пикир қилип, хитайниң бу тәшвиқатлирини пүтүнләй инкар қилидиғанлиқини билдүргән.

Ройтерисниң моңғул сиясий паалийәтчилиридин нәқил кәлтүрүшичә, әйни вақитта гәрчә ички моңғул райониға аптономийә һәққидә вәдиләр берилгән болсиму, нөвәттә бу йәр қаттиқ контроллуқ, қорқунч вә әнсизлик қаплиған бир маканға айланған. Районниң көмүр байлиқи көпләп қезилған, моңғулларниң нопуси һазир райондики 24 милйон нопусниң бәштин бириниму игилийәлмигән, моңғул тили йоқилишқа йүз тутқан.

Мәлум болушичә, хитай коммунистлири 1947- қурған ички моңғул аптоном райони изчил һалда хитайлаштуруш сияситидә башқа «аптоном район» лириниң үлгиси, дәп қарилип кәлгән икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.