Хитай явропа иттипақи дипломатлириниң илһам тохти билән көрүшүш тәләплирини давамлиқ рәт қилған

Мухбиримиз әркин
2021-07-30
Share

Хитай явропа иттипақи дипломатлириниң уйғур ели зияритидә түрмидики атақлиқ уйғур зиялийси илһам тохти билән көрүшүш тәләплириниң ‍изчил җаһиллиқ билән рәт қилған. "билумберг хәвәрлири" агентлиқиниң 30-июл хәвәр қилишичә, "шинҗаңни зиярәт қилиш мәсилисидики дипломатик җиддийликниң мәркизигә айланған".

Бу, хитайниң явропа иттипақиниң илһам тохти билән көрүшүш тәлипини тунҗи қетим рәт қилиши әмәс. У бурунму бир қетим рәт қилғаниди. Хитайниң немә үчүн явропа иттипақи дипломатлириниң төмүрлүк қамаққа һөкүм қилинип, ‍үрүмчидики бир түрмидә җаза муддитини ‍өтәватқан бир сиясий мәһбус билән көрүшүшидин бунчилик биарам болидиғанлиқи мәлум әмәс.

"билумберг хәвәрлири" ниң ейтишичә, хитай тәрәп явропа иттипақини илһам тохти билән көрүшүштә чиң турувелип, бу зиярәткә тосқунлуқ қилиш билән әйиблигән. Уйғур аптоном районлуқ һөкүмәтниң баянатчиси шу гуйшяң 30-июл мухбирларға бирюссел илһам тохти билән көрүшимиз, дегәнгә охшаш "орунсиз тәләпләр" дә болғанлиқи үчүн явропа иттипақи дипломатлириниң районни зиярәт қилишида "һәрқандақ бир йеңи маһийәтлик илгириләш болмиғанлиқи" ни билдүргән.

Униң қаришичә явропа иттипақиниң "илһам вә башқа җинайәтчиләр билән сөзлишишни тәләп қилиши хитайниң игилик һоқуқиға қилинған һөрмәтсизлик" икән. Лекин уйғур тәшкилатлириниң ейтишичә, хитай һөкүмити өзиниң уйғурларға қарита елип барған ирқий қирғинчилиқи вә лагер-түрмиләрдә милйондин артуқ уйғурни тутуп туруватқанлиқи паш болуп кетишидин әнсирәп ғәрбниң уйғур елидә тәкшүрүш елип беришиға һәр хил шәртләрни қоюп тосқунлуқ қилмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт