Илһам тохти даириләрниң уйғур оқуғучиларниң түркийәгә қайтип оқушиға тосқунлуқ қиливатқанлиқини әйиблиди

Мухбиримиз меһрибан
2013.07.30

Бейҗиң мәркизи милләтләр университетиниң дотсенти, уйғур зиялийси илһам тохти, бүгүн радиомиз уйғур бөлүминиң зияритини қобул қилип, даириләрниң униңға қаратқан узун муддәтлик нәзәрбәндигә наразилиқини билдүрүш билән биллә, нөвәттә тәтил қилип юртиға қайтқан бир қисим уйғур оқуғучиларниң түркийәгә қайтип оқушини давамлаштуруши йәрлик даириләр тәрипидин тосалғуға учраватқанлиқини әйиблиди.

Илһам тохти әпәндиниң билдүрүшичә, бейҗиң дөләт аманлиқини қоғдаш хадимлири униңға қаратқан узун муддәтлик назарәт вә тәқиб қилишни давамлиқ күчәйтиватқан болуп, түнүгүндин буян уни назарәт қиливатқан дөләт аманлиқини қоғдиғучи хадимлар униңға һәтта өз өйидин чиқип, мәктәп һойлисида айлинишиниңму чәкләнгәнликини уқтурған.

Илһам тохти әпәнди йәнә, 15-июл күни түркийәгә қайтиш сәпиридә бейҗиң айродромида ғайиб болған оқуғучи мутәллип имин һәққидә һазирғичә хәвәр йоқлуқини илгири сүрүп, өзиниң йеқинда тәтил қилип юртиға қайтқан йәнә бир оқуғучиниңму, даириләр тәрипидин тосқунлуққа учрап, түркийәгә қайтип оқушни давамлаштурушқа амалсиз қеливатқанлиқи һәққидә хәвәр тапқанлиқини билдүрүп, даириләрниң чәтәлдә оқуватқан уйғур оқуғучиларға һәрхил чәклимиләрни қоюватқанлиқини әйиблиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.