Irqiy qirghinchiliq yürgüzgen "Bosiniyelik jallat" ning erzi ret qilin'ghan

Muxbirimiz jewlan
2021-06-09
Share

"Muhapizetchi" gézitining 8-iyun xewer qilishiche, bosiniyelik herbiy qomandan ratko miladikning irqiy qirghinchiliq jinayitini aghdurush üchün sun'ghan naraziliq erzi ret qilin'ghan. Nejide, "Jallat" dep atalghan 78 yashliq miladikning axirqi ömri emdi türmide ötidiken. Birleshken döletler teshkilati xelq'ara soti uning irqiy qirghinchiliq we insaniyetke qarshi jinayet ötküzgenlikige qayta höküm qilghan.

Bu höküm élan qilinip uzun ötmeyla amérika prézidénti jow baydén buningdin memnun bolghanliqini bildürüp: "Tarixiy xaraktérlik bu höküm shuni bildüriduki, qorqunchluq jinayet ötküzgen ademning jawabkarliqi choqum sürüshtürülidu. Bu höküm yene bizning dunyaning her qandaq yéride bundaq qebih zorawanliqning yüz bérishining aldini élish jehettiki ortaq iradimizni kücheytidu" dégen.

En'gliye tashqi ishlar ministiri dominik rabmu ipade bildürüp: "Bu höküm qorqunchluq xelq'ara jinayetler jazagha tartilmasliqtek ehwalgha xatime bérishke paydiliq" dégen.

Ratko miladik we uning sabiq rehbiri, bosiniyelik sérblardin bolghan prézidént radowan karadzikning her ikkisi ömürlük qamaq jazasigha höküm qilin'ghan bolup, ular 90-yillarda sabiq yügüslawiye parchilan'ghandin kéyin ichki urush qozghap, bosiniyelik musulmanlargha irqiy qirghinchiliq yürgüzüshni pilanlighaniken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet