Җим мәкгаврен: хитай һөкүмити ирқий қирғинчилиқ җинайитидин һесаб бериши керәк

Мухбиримиз җәвлан
2022.09.22
Share on WhatsApp
Share on WhatsApp

Америка авам палата әзаси җим мәкгаврен (Jim McGovern) 22-сентәбир күни тиветтерда учур йоллап: “мән уйғур достлиримға аваз қошуп, бирләшкән дөләтләр тәшкилатини б д т кишилик һоқуқ ишханиси йеқинда елан қилған доклаттин кейин һәрикәт қоллинишқа чақиримән. Хитай һөкүмити чоқум ирқий қирғинчилиқ җинайити вә инсанларни хорлаш қилмишиға җавабкар болуши керәк” дегән.

Җим мәкгавринниң бу учури америка уйғур бирләшмисиниң хитайға қарши ачлиқ елан қилиш намайиши һәққидики учуриға қайтурулған инкас болуп, америка уйғур бирләшмисиниң тиветтир учурида: “уйғур лагер шаһитлири шәрқий түркистандики ирқий қирғинчилиққа қарши ачлиқ елан қилиш намайишиниң 3-күнигә қәдәм қойди. Биз бирләшкән дөләтләр тәшкилатини уйғур кишилик һоқуқ мәсилисини һәл қилишқа чақириқ қилимиз” дейилгән.

Хитайниң йиллардин бери һәр хил усул-васитиләр билән иҗра қиливатқан ирқий қирғинчилиқ җинайити бүгүнки күндә уйғурларни қамал қилип ач қоюп өлтүрүш шәклидә давам қиливатқан болуп, америкадики лагер шаһитлири бу җинайәтни тохтитиш үчүн вашнгтонда ачлиқ елан қилиш намайишини башлиғаниди. Авам палата әзаси җим мәкгаврен юқириқи учур арқилиқ һәр вақит уйғурларни қоллайдиғанлиқини билдүргән, униңдин башқа, америка кеңәш палата әзаси кирс симисму 21-сентәбир күни қилған сөзидә, хитайниң ач қоюп өлтүрүш шәклидики ирқий қирғинчилиқ җинайитини әйблигән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.