Xitayning quyash énérgiye taxtisi amérika chégrasida tutup qélin'ghan

Muxbirimiz jewlan
2022.08.10
Share on WhatsApp
Share on WhatsApp

Bu yil 6-ayning 21-küni “Uyghur mejburiy emgikining aldini élish qanuni” ijra qilin'ghandin kéyin, xitayning amérikagha éksport qilghan quyash énérgiyesi taxtisi Uyghur rayonidiki mejburiy emgekke chétishliq dep tutup qélin'ghan.   

“Wal strét zhurnili” ning xewer qilishiche, ötken bir nechche heptide amérika tamozhnisi xitayning quyash énérgiyesi taxtisi teminleydighan bir nechche shirkitining mehsulatini tutup qalghan yaki xitaygha qayturuwetken. Xitay shirketliri bu mehsulatlarning mejburiy emgek bilen chétishliq emeslikini ispatlap bérelmigen.

Xewerde körsitilishiche, Uyghur rayonidiki xitay zawutliri ishlepchiqiriwatqan, quyash énérgiyesi taxtisining eng muhim matériyali bolghan kristalliq kirminiy  pütün dunya bazirining 41 pirsentini igileydiken.  Amérikaning mal alghuchiliri bilen xitayning mal teminligüchiliri bir nechche aydin béri yéngi qa'ide chiqirishqa teyyarliq körgen we bu mallarda héchqandaq mesile yoqluqigha ispat chiqirip bergen, emma tamozhna xadimliri bu quyash énérgiyesi taxtisigha ishlitilgen maddilarning Uyghur rayonidin qézilmighanliqini ispatlap bérishni telep qilghan. Shirket bilen tamozhna arisidiki bu talash-tartish dawamlishiwatqan bolup, nurghun mallar iskilatta aylarche bésilip yatmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.