Американиң юқири дәриҗилик һәрбий әмәлдари: җәнубий деңизда хитайға тақабил турушимиз керәк

Мухбиримиз ирадә
2019-05-30
Елхәт
Пикир
Share
Принт

Американиң юқири дәриҗилик һәрбий әмәлдари генерал җосеф данфорд чаршәнбә күни вашингтондики бир истратегийә йиғинида қилған сөзидә, хитайниң җәнубий деңиздики араллирини қоралландуруш һәрикәтлиригә қарши дәрһал һәрикәткә өтүшимиз керәк, дегән.

«Җәнубий хитай сәһири» гезитиниң хәвәр қилишичә, америка армийәси штаб башлиқлири бирләшмисиниң рәиси генерал җосеф данфорд хитайниң җәнубий деңиздики сүний араллирини өзиниң һәрбий муддасиға мас һалда тәрәққий қилдурғанлиқини, әмди буниң давамлиқ кеңийишиға йол қоюшқа болмайдиғанлиқини билдүргән.

У сөзидә: «әлвәттә мән қораллиқ тақабил турушни тәвсийә қилмаймән. Мәнчә буни җазалайдиған, тақабил туридиған дипломатик вә иқтисадий тәдбирләр бар. Әлвәттә башқа тәдбирләр биринчи орунда туриду» дегән.

Хәвәрдә ейтилишичә, австралийә ахбаратлири алдинқи күни австралийә һәрбий айропилан пилотлириниң җәнубий деңиз асминида учуш мәшиқи елип бериватқанда намәлум бир хил лазер нуриниң раһәтсиз қилишиға учриғанлиқини вә буниң хитайниң җавабкариниң хитайниң ғәйрий рәсмий һәрбий парахотлири дәп қариливатқанлиқини хәвәр қилғаникән.

Генерал җосеф данфордниң юқиридики сөзлири дәл бу вәқәдин кейингә тоғра кәлгән. Лекин хитай тәрәп генерал җосефниң сөзигә техи инкас қайтурмиған.

Пикирләр (0)
Share
Толуқ бәт