Kim jong'on bilen shi jinping 3-qétim körüshti

Muxbirimiz eziz
2018-06-19
Share

Ötken hepte amérika prézidénti donald tramp bilen uchrashqan shimaliy koréye rehbiri kim jong'on 19-iyun küni yene bir qétim xitaygha kélip, xitay re'isi shi jinping bilen körüshken. Firansiye birleshme agéntliqining bügünki xewiride éytilishiche, bu uning mart éyidin buyanqi 3-qétimliq xitay ziyariti iken.

"Washin'gton pochtisi" ning 19-iyundiki xewiride éytilishiche, kim jong'unning bu qétimqi béyjing sepiri amérika hökümiti jenubiy koréyede awghust éyida ötküzülmekchi bolghan urush manéwirini bikar qilishni jakarlishining etisige toghra kelgen. Bu qétimqi uchrishishta xitay re'isi shi jinping sin'gapordiki uchrishishqa hemde koréye yérim arilini yadrosizlashturush qararigha yuqiri baha bergen. Emma xitayni izchil halda shimaliy koréyening eng zor arqa tiriki, dep qarap kéliwatqan xelq'ara jama'et kim jong'unning bu qétimqi béyjing sepirini "Shi jinpingning yenila kim jong'unning burnidin yétilep méngiwatqan kishi ikenlikini körsetmekte," dep sherhiligen. 

S n n ning bu heqtiki xewiride körsitilishiche, kim jong'un bu qétim béyjinggha iqtisadiy jehette yardem sorap kelgen bolushi éhtimalgha tolimu yéqin iken. Chünki shimaliy koréye b d t ijra qiliwatqan iqtisadiy qamal sewebidin rawurus halsizlinip qalghan bolghachqa xitayning siyasiy we iqtisadiy jehettin yardem bérishi ular üchün bekmu zor qimmetke ige iken. Emma bu yardemlerning qandaq shekilde hemde qaysi waqitta emelge ashidighanliqi heqqide hazirche héchqandaq nerse melum emes iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet