Уйғур елида йолучиларниң кимлик учури йезилған беләт арқилиқ йол йүрүш бәлгилимиси йолға қоюлған
2014.09.01
Җуңго хәвәрләр ториниң учуриға қариғанда, 1-сентәбирдин башлап уйғур елидики узун йоллуқ қатнаш ширкәтлири йолучиларниң кимлик учури йезилған беләт арқилиқ йол йүрүш бәлгилимисини йолға қойған.
Мәлум болушичә, мәзкур бәлгилимә 1-сентәбирдин башлап алди билән уйғур елиниң мәркизи үрүмчидики һәрқайси узун йоллуқ аптобус баш бекәтлиридә рәсмий әмәлийләшкән.
Мухбирлар үрүмчи хумданлиқ-нйәнзигодики йолучилар баш бекитидә миңлиған йолучиларниң өчирәттә турғанлиқини, болупму уйғур йолучиларниң қоллириға кимлик, нопус дәптири, шопурлуқ кинишкиси қатарлиқ испат-кинишкиларни көтүрүп беләт еливатқанлиқини көргән.
Көзәткүчиләр, уйғур елидики вәзийәтниң җиддийлишишигә әгишип даириләрниң райондики қатнаш, аммиви паалийәт, аһалиләрниң нормал хизмәт вә күндилик турмушиға еғир чәклимиләрни елип кәлгәнликини тәкитлимәктә.