Кишилик һоқуқчилар хитай вә русийәниң вәзийитигә пәрқлиқ бир нуқтидин баһа бәрди

Мухбиримиз шөһрәт һошур
2016-01-27
Share

Йиллардин бери хитай вә русийәдики инсан һәқлири дәпсәндичиликини диктатор һакимийәтләрниң хәлқ ирадисини чәткә қеқиши вә бастуруши дәп қарап келиватқан вә тәнқидләп келиватқан дуня кишилик һоқуқни көзитиш тәшкилати бүгүн елан қилған йиллиқ доклатида, мәзкур икки дөләт рәһбәрлик қатлими билән хәлқлири оттурисида йошурун бир келишим барлиқини вә бу келишимниң нөвәттә бузулуш басқучиға кәлгәнликини оттуриға қойди.

Мәзкур тәшкилатниң директори кәннис ротниң бүгүн ройтирс агентлиқиға баян қилишичә, хитай билән русийәдә иқтисадта чекиниш көрүлгәндин кейин мәзкур келишим бузулуш нуқтисиға кәлгән, буниңдин әндишиләнгән икки дөләт рәһбәрлири аммиви тәшкилатларни бастурушни күчәйтмәктә.

Бу әндишиниң йәнә бир сәвәбини иҗтимаий ахбарат васитилириниң көпийиши дәп көрсәткән кәннис рот "әгәр сән бир диктаторчи болсаң, сениң әң қорқидиғиниң пуқралириңниң кочиға чиқип намайиш қилиши болиду, әмма иҗтимаий ахбарат васитилирини контрол қилип болуш асасән мумкинсиз бир иш" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт