Kuchadiki basturushta xizmet körsetken xitay emeldari ürümchi shehirining partkom sékritarliqigha teyinlen'gen

Muxbirimiz erkin
2021-10-27
Share

2014-Yili kuchadiki basturushta xizmet körsetken kucha nahiyelik partkomning sabiq sékritari yang fasén östürülüp, ürümchi sheherlik partkomning sékritarliqigha teyinlen'gen. Xitay azatliq armiyesining yadro siniqi qismida wezipe ötigen bu sabiq xitay eskiri herbiyliktin almashqandin kéyin, aqsu wilayetlik waliy mehkimisining emeldari, kucha nahiyelik partkomning sékritari qatarliq wezipilerni ‍ötigen.

Yang fasén 2017-yili bashlan'ghan xitayning Uyghur rayonidiki chong tutquni mezgilide xoten wilayetlik partkomning sékritari wezipisini ötigen, 2021-yili 3-ayda Uyghur aptonom rayonluq hökümetning mu'awin re'islikige yötkep kélin'gen.

"Jenubiy xitay etigenlik pochtisi" gézitining xewer qilishiche, jang fasén 2014-yili kucha nahiyesining partkom sékritari bolup wezipe ötigen mezgilide béyjingning diqqitini qozghighan bolup, u shu yili kuchada atalmish "Térorliq teshkilati" ning 30 neper ezasini qolghan alghan iken. Xewerde yang fasénning "Térorliqqa qarshi turush mutexessisi" ikenliki, uning "Sherqiy türkistan islam herkiti" ning zerbe bérish tizimlikidiki kishi ikenliki tekitlen'gen.

Halbuki, mewjutliqi hazirgha qeder izchil su'al peyda qilip kelgen we ötken yili amérikaning "Térorluq teshkilatlar tizimliki" din chiqiriwetken bu teshkilatning bundaq bir tizimlikining barliqi melum bolup baqmighan idi. Melum bolushiche, yang fasénning ‍ürümchi sheherlik partkomning sékritarliqigha teyinlinishi, xitayning yéqinda élip barghan Uyghur aptonom rayonliq partkomning da'imi hey'etlirini qayta retke sélish herkitining bir parchisi iken. Xitay da'iriliri bu qétimliq retke sélishta Uyghur aptonom rayonluq partkomning chén chu'en'go bashchiliqidiki 15 kishilik da'imiy komitétini qaytidin teshkil qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet