«Lacoste» Вә «Adidas» ширкәтлири уйғурлар қул орнида ишлитиливатқан хитай завутлиридин мал тәминләшни тохтатқан

Мухбиримиз ирадә
2020-07-07
Елхәт
Пикир
Share
Принт

Хәлқаралиқ даңлиқ маркилардин болған «лакосте» ширкити йеқинда уйғур елидики мәҗбурий әмгәккә четишлиқ дәп қаралған тәминләш зәнҗирлири болған барлиқ алақисини кесидиғанлиқини җакарлиған.

Униң бу һәрикити «Adidas» ширкитидин кейин бу җәһәттә қолға кәлтүрүлгән йәнә бир нәтиҗә һесаблинидикән.

«Глоссий» намлиқ тор гезитиниң хәвәр қилишичә, бу йил 3-айда австралийә истратегийәлик сиясәт тәтқиқат орни уйғурларниң хитайдики тоқулмичилиқ санаитини асас қилған завутларда мәҗбурий әмгәккә тутулуши һәққидә тәпсилий доклат елан қилғандин кейин явропа иттипақи парламентиниң әзаси рафаил глуксман бир һәрикәт башлиған. У бу һәрикитидә хитайдики мушундақ завутлардин мал тәминләватқан 83 даңлиқ кийим-кечәк маркилириға мәктуп әвәткән вә өзи биваситә көрүшкән. Нәтиҗидә һазирғичә «Lacoste» вә «Adidas» ширкәтлири бу чақириққа аваз қошуп, хитайдики тәминләш зәнҗирлири билән мунасивитини үзидиғанлиқини билдүргән.

Рафаил глуксман иҗтимаий таратқудики һесаби арқилиқ бу хош хәвәрни елан қилип «әмдики қәдәмдә уйғурларни қул қиливатқан тәминләш зәнҗирлиридин мал еливатқан қалған 81 маркини тохтитиш үчүн бирликтә һәрикәт қилайли» дегән. У «глоссий» тор гезитигә қилған сөзидә өзиниң һазир бу мәсилидә «Nike» ширкити билән көрүшүватқанлиқини, уларниң мәсилә үстидә музакирә елип бериватқанлиқини ейтқан.

Пикирләр (0)
Share
Толуқ бәт