Литва һөкүмитиниң хитай һәққидики позитсийәси техиму яхши шәрһиләнди

Йеқинда литва һөкүмити хитай һөкүмити шәрқий явропада бәрпа қилған 17 +1 топидин чекинип чиққан иди. Литва һөкүмитиниң муавин ташқи ишлар министири мантас адоменас "аксйос" ториниң мәхсус зияритини қобул қилғанда буниңдики бәзим пиринисипаллиқ сәвәбләр һәққидә чүшәнчә бәргән.

У бесаний ‍ибраһимиян билән болған сөһбәттә бу һәқтә сөз қилип: "биз бу һәқтики мунасивәтләрни әстайидил ойлишип чиққандин кейин бу иттипақниң әмилийәттә вәдә қилинғандәк иқтисадий мәнәпәт елип кәлмәйдиғанлиқини тонуп йәттуқ," дегән. У йәнә қошумчә қилип, өзлириниң ялғуз иқтисадий мәнпәәтнила әмәс, йәнә хитай һөкүмитиниң иқтисадни дәстәк қилип туруп башқа мәмликәтләрниң қиммәт қариши вә кишилик һоқуқ өлчәмлирини аҗизлитиштәк урунушлириниму һесапқа алғанлиқини тәкитлигән. Шуниңдәк өзлириниң һәргизмә азрақ иқтисадий мәнпәәтни әркинлик қариши вә қанун арқилиқ идарә қилиш пиринсиплиридин әла көрмәйдиғанлиқини билдүргән.

Мантас әпәндиниң қаришичә, литваниң әйни вақитта сабиқ совет иттипақидин қутулуп мустәқил болушида ғәрбниң демократийә һәққидики бесимлири муһим рол ойниған икән. Шуңа бүгүнки күндә охшаш тәқдир башқиларниң бешиға чүшкәндә буниңға қол қовуштуруп қарап турушни қәти мувапиқ әмәс икән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар