Xitay bixeterlik ministirliqi mu'awin bashliqi ma jyenning tutqun qilinishi diqqet qozghidi

Muxbirimiz méhriban
2015-01-12
Share


12 - Yanwar künidiki xelq'ara metbu'atlarda xitay dölet bixeterlik ministirliqining mu'awin ministiri ma jenning “Xizmitidin élip tashlinip, qanun orunlirining tekshürüshige yollan'ghanliqi” heqqidiki xewer we analizlar köpeydi.

Bu xewer chet'ellerde chiqidighan “Minjing pochta géziti”de 9 - yanwar jüme küni deslep ashkarilan'ghan. Xewerdin melum bolushiche, xitay dölet bixeterlik ministirliqining mu'awin bashliqi ma jyen 8 - yanwar küni xizmitidin élip tashlan'ghan we qanun organlirining tekshürüp bir terep qilishigha tapshurulghan.

En'giliye b b s agéntliqining bu heqtiki xewer analizida “ Eger xitay jasuslirini bashquridighan we jasusluq heriketlirige qarshi turush xizmitini bashquridighan dölet bixeterlik idarisining mu'awin ministiri ma jyenning xizmitidin qaldurulup, tekshürüshke yollan'ghanliqi delillense, u halda ma jyen xitay siyasi - qanun komitétining sabiq bashliqi ju yungkangdin kéyin, xitay dölet bixeterlik séstimisida emilidin qaldurulghan yene bir eng yuqiri derijilik emeldar bolup qalidu” déyildi. Xongkungda chiqidighan “Jenubiy xitay géziti”ning 12 - yanwardiki sanida “Ma jyenning xizmitidin élip tashlinip qolgha élin'ghanliqi we uning birqanche yéqinliriningmu 9 - yanwar küni merkizi intizam tekshürüsh komitétining ademliri teripidin élip kétilgenliki xewer qilindi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet