Марко рубийо америка тинчлиқ корпусиниң хитайдин чекинип чиқишини алқишлиди

Мухбиримиз әзиз
2020-01-21
Елхәт
Пикир
Share
Принт

Америка һөкүмитигә тәвә чәтәлләргә иҗтимаий-иқтисадий вә техника ярдәмлирини көрситидиған тинчлиқ көрписиниң баш штаби хитай һөкүмитиниң уйғурлар диярида «инсанийәткә қарши җинайәт өткүзүш қилмиши» түпәйлидин өткән һәптә өзлириниң хитайда вәзипә өтәватқан хадимлирини 2020-йили июндин башлап пүтүнләй чекиндүрүп чиқидиғанлиқини елан қилғаниди.

Америка кеңәш палатасиниң әзаси марко рубийо бүгүн баянат елан қилип өзиниң бу қарарни қизғин алқишлайдиғанлиқини билдүрди. Шундақла америкадики уйғур паалийәтчиләрдин фурқәт җавдәтниң аписи һәққидики филимни көргәндин кейинки тәсиратини баян қилип: «мана бу уйғурлар дуч келиватқан реаллиқтур. Хитай компартийәси уйғур вә башқа милләтләрниң миллий вә мәдәнийәт кимликини системилиқ йоқатмақчи болуватиду. Һазир уйғур кишилик һоқуқ қанун лайиһисини мақуллуқтин өткүзидиған пәйт йетип кәлди» дәп көрсәтти.

Мәлум болушичә, муһаҗирәттики уйғурларниң өз аилиси һәққидики ашкара гуваһлиқлири хитайниң уйғурларға қандақ зулум селиватқанлиқини дуняға паш қилишта зор иҗабий үнүм пәйда қилмақта икән.

Пикирләр (0)
Share
Толуқ бәт