Marko robiyo korona wirusining menbesige a'it yéngi doklatni élan qilidighanliqini bildürdi

Muxbirimiz jewlan
2023.03.15

Amérika kéngesh palata ezasi marko robiyo 3-ayning 14-küni tiwittér yollap, korona wirusining menbesige a'it yéngi uchurlar asasida teyyarlighan doklatini pat arida élan qilidighanliqini bildürgen.

Marko robiyo yene bu tiwittér hésabida élan qilghan 37 sékontluq widiyosida: “Bu wirus ularning tejribixanisidin chiqip, pütün dunyagha yamridi. Bu, ular menggü étirap qilmaydighan bir pakit. Bizde bu pakitlarni birleshtürüp, u hékayini pütünley özgertidighan ispatlar toluq. Halbuki ular bu hékayini kishilerning bilip qalmasliqi üchün qolidin kélidighan her ishqa urunup baqidu” dégen.

2020-Yil xitaydin bashlap yamrighan kowid wirusi pütün dunyada 7 milyon'gha yéqin insanning ölümige seweb bolghan bolup, üch yildin buyan bu wirusning menbesi heqqide talash-tartish dawamliship kelgenidi. Xitayning bu wirusning menbesini tekshürüshke maslashmighanliqi xelq'arada zor guman qozghap kéliwatqan mesile idi.

Ötken aydin buyan bu wirusning wuxendiki tejribixanidin yamrighanliqi heqqidiki uchurlar yene köpiyip qalghan bolup, amérika fédératsiye tekshürüsh idarisi (FBI) ning bashliqi kristofér wray (Christopher Wray) 2-ayning 28-küni tunji qétim bu heqtiki köz qarishini ochuq ipadilep, kowid wirusining xitaydiki tejribixanidin yamrighan bolushi mumkinlikini éytqanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.