مايك پومپېيو ۋىرۇس مەسىلىسىدە خىتاي ۋە ئىراننى ئەيىبلىدى

مۇخبىرىمىز ئەزىز
2020-02-25
Share

بىرلەشمە ئاگېنتلىقنىڭ 25-فېۋرالدىكى خەۋىرىدە ئېيتىلىشىچە، ئامېرىكا تاشقى ئىشلار مىنىستىرى مايك پومپېيو شۇ كۈنى مەخسۇس سۆز قىلىپ خىتاي ۋە ئىران ھۆكۈمەتلىرىنىڭ ۋىرۇس مەسىلىسىدىكى جاۋابكارلىقىنى ئەيىبلىگەن.

خەۋەردە ئېيتىلىشىچە، مايك پومپېيو بۇ ئىككى دۆلەتنى «ۋىرۇسنىڭ ھەقىقى ئەھۋالىنى جامائەتتىن يوشۇرۇپ، تېخىمۇ ئېغىر بولغان ئۆلۈم-يېتىم ۋەقەلىرىگە سەۋەب بولغان» دېگەن. شۇنداقلا ئىران ھۆكۈمىتىنى «ۋىرۇسنىڭ ھەقىقى ئەھۋالىنى ئاشكارىلاش» قا چاقىرغان.

مايك پومپېيو خىتاي ھۆكۈمىتىنى ئەيىبلەپ، ئۇلارنىڭ ۋابا ھەققىدىكى ھەقىقى ئەھۋالنى خەۋەر قىلغان ئامېرىكا مۇخبىرلىرىنى خىتايدىن چىقىرىۋېتىش قىلمىشىنى كەسكىن تەنقىدلىگەن ھەمدە «ئەگەر خىتاي ھۆكۈمىتى مۇخبىرلار ۋە دوختۇرلارنىڭ ھەقىقى ئەھۋالنى ئېيتىشىغا يول قويغان بولسا ئەھۋال بۇ قەدەر يامانلىشىپ كەتمىگەن بولاتتى» دېگەن.

مەلۇم بولۇشىچە، ئىراندىكى ۋىرۇسنىڭ ھەقىقى ئەھۋالى نامەلۇم بولۇپ، خىتاي بىلەن ئىران بىردەك بۇ جەھەتتىكى ئەھۋالنى خەلقتىن يوشۇرماقتىكەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت