Misranim torining qurghuchisi ababekri muxterning qoyup bérilgenliki ilgiri sürüldi

Muxbirimiz erkin
2016.06.10
Share on WhatsApp
Share on WhatsApp

“Misranim” torining qurghuchisi, ababekri muxterning yéqinda qoyup bérilgenlikige da'ir xewerler tarqaldi. Uyghur ijtima'iy taratqulirida uning mushu bir qanche kün ichide ürümchidiki melum bir ammiwi sorunda tartilghan resimi tarqilip, uning qoyup bérilgenlikige da'ir pikirlerni küchlendürdi.

Emma bu süretlik xewerlerde, uning qachan qoyup bérilgenliki tilgha ilinmighan. Ababekri misranim bu yil 14-apréldin bashlap iz‏-déreksiz yoqap ketken. Radiyomiz yéqinda ababekrini öz ichige alghan “Misranim”, “Baghdash” torlirining qurghuchisi we bashqurghuchilirining tutqun qilghanliqigha da'ir xewerlerge érishken idi.

Ababekri muxterning tutqun qilinish sewebi her xil perezlerni peyda qilghan. Xewerlerde ilgiri sürüshiche, da'iriler uning tutqun qilinishini bir özbék naxshichi bilen bolghan iqtisadi majiragha baghlighan.

Emma xelq ichidiki inkaslarda, uning chet'eldiki Uyghur ziyaliylirining maqale, eserlirini torida élan qilishi seweblik tutqun qilin'ghanliqi ilgiri sürülgen. Ababekri muxter ilgiri, amérikining xitayda turushluq sabiq bash elchisi geriy lokning qobul qilishigha sazawer bolghan hemde uning orunlashturushi bilen 2014-yili amérikida ikki heptilik ziyaret we ékskursiyide bolghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.