Pakistan da'iriliri yéqinda tutqun qilghan Uyghur pa'aliyetchilerni qoyup bergen

Muxbirimiz erkin
2017-10-27
Share

Pakistan mushterrek isxitbarat idarisi teripidin yéqinda tutqun qilin'ghan 3 neper pakistanliq Uyghur pa'aliyetchi 26‏-öktebir küni qoyup bérilgen.

Pakistan da'iriliri xitayning 18‏-öktebir bashlan'ghan 19‏-qurultiyidin bir-ikki kün awwal pakistanliq Uyghur pa'aliyetchilerdin ömer Uyghur, abduqéyyum shemshiddin, abdughéni qatarliq ücheylenni tutqun qilghan idi.
Pa'aliyetchilerdin "Pakistan ömer Uyghur wexpi" ning bashliqi ömer Uyghurning jüme küni radiyomizning ashkarilishiche, pakistan istixbarat da'iriliri ularni peyshenbe küni qoyup bergen. Lékin ularning néme üchün tutqun qilin'ghanliqigha da'ir tepsiliy ehwallar téxi melum emes.

Bu, ömer Uyghurning pakistan istixbarat da'iriliri teripidin tunji qétim tutqun qilinishi emes. Pakistan da'iriliri ömer Uyghurni buningdin bir ay awwal bir qétim tutqun qilip, uningdin "Ömer Uyghur wexpisi" ni taqashni telep qilghan. Uningdin sirt, pakistan mushterrek isxitbarat idarisi ilgiri bir qétim ömer Uyghurning chet'elge chiqishini chekligen. Biraq ömer Uyghur pakistan yuqiri sot mehkimisige erz qilip, istixbarat idarisining qararini bikar qildurghan idi.

Ömer Uyghurning bildürüshiche, pakistan istixbarat da'iriliri xitayning pakistanda turushluq elchixanisining telipi we bésimida uninggha parakendichilik sélip kelmektiken.

Pakistandiki Uyghur pa'aliyetchilerning bu qétim yene tutqun qilinishi chet'eldiki Uyghur teshkilatlirining diqqitini qozghighan. Dunya Uyghur qurultiyining re'isi rabiye qadir xanim yéqinda bayanat élan qilip, pakistan hökümitidin Uyghur pa'aliyetchilerni qoyup bérishni telep qilghan. Rabiye qadir xanim bayanatida tutqunlarning héchbirining pa'aliyetlirining pakistan dölet bixeterliki bilen alaqisi yoqluqini tekitligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet