Уйғур районида парихорлуқ билән әйиблинип тәкшүрүлгән хитай әмәлдари реҗим астиға елинған

Уйғур аптоном районлуқ хәлқ һава мудапиә ишханисиниң сабиқ муавин мудири заң шявҗүн хитай интизам тәкшүрүш органлири тәрипидин рәсмий реҗим астиға елинған. Заң шявҗүн бу йил майда уйғур аптоном районлуқ интизам тәкшүрүш комитети тәрипидин интизамға еғир хилаплиқ қилиш билән әйиблинип тәкшүрүлүшкә башлиған иди.

Заң шявҗүн җилинлиқ хитай болуп, у 1978‏- йили "шинҗаң педагогика университети" ниң хитай тил-әдәбият факултетиға кирип оқуған. У оқуш пүттүргәндин кейин уйғур районида қелип, оқутқучилиқ, қурулуш ширкитиниң архип кадири, қурулуш назаритиниң әмәлдари, аптоном районлуқ өй ислаһат ишханисиниң муавин башлиқи, хәлқ һава мудапиә ишханисиниң муавин мудири қатарлиқ вәзипиләрни атқурған.

Даириләр заң шявҗүнгә "реҗим астиға туруп туруш тәдбири" қолланғанлиқини елан қилди. Хитай алий тәптиш мәһкимисиниң билдүрүшичә, униңға қолланған реҗим тәдбири буйруқ билән чақиртиш, капаләт билән бир йәргә бериш, аилидә назарәт қилиниш яки тутқун қилиниш вә қолға елиниш тәдбирлирини өз ичигә алидикән.

Лекин заң шявҗүн уйғур аптоном районлуқ хәлқ мудапиә ишханисидин парихорлуққа четилған бирдин-бир әмәлдар әмәс. Буниңдин бурун бу йил апрелда хәлқ һава мудапиә ишханисиниң мудири җу шинйи вә униң қол астидики 5 кишигә тәптиш оргини тәрипидин дело турғузулған.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар