Помпейо: «хитай компартийәсиниң һәрикити дуняға тәһдит елип кәлмәктә»

Мухбиримиз әркин
2020-07-17
Елхәт
Пикир
Share
Принт

Америка ташқи ишлар министири майк помпейо хитай компартийәсиниң дуняға тәһдит елип келидиған усулда һәрикәт қиливатқанлиқи, американиң буниңға йол қоймайдиғанлиқини билдүргән. Униң тәкитлишичә, хитай илгири җәнубий деңиз, хоңкоң, йәршари һава килимати келишими қатарлиқ мәсилиләрдә нурғун вәдиләрни бәргән болсиму, лекин униң һечқайсисиға әмәл қилмиған. Помпейо бу сөзләрни 16-июл америкадики The Hill, йәни «төпилик» намлиқ гезитниң зияритини қобул қилғанда тәкитлигән.

У сөзидә, «хитай баш секретари ши җинпиң 2015-йили (ақсарайниң) бағчисида җәнубий деңизни һәрбиләштүрмәйдиғанлиқиға вәдә бәргән. Лекин у җәнубий деңизни һәрбийләштүрди. Улар хитай билән әнглийә оттурисидики хәлқарада етирап қилинған хоңкоң тоғрисидики ‹бир дөләттә икки хил түзүм'ни 50 йилғичә өзгәртмәслик келишимигә һазир пүтүнләй хилаплиқ қилди. Улар париж һава килимати келишимигә асасән вәдилирини иҗра қилишқа йеқинму келип қоймиди» дегән

Униң тәкитлишичә, «хитай компартийәси дуняға һәқиқий тәһдит елип келидиған усулда һәрикәт қилмақтикән». У, американиң дөләт бихәтәрликигә капаләтлик қилидиғанлиқи шундақла хитай компартийәси өзиниң бу һәрикитини өзгәртмисә уни бәдәл төлитидиғанлиқини илгири сүргән. Помпейониң тәкитлишичә, америка хитайниң җәнубий деңизни өзиниң қиливелишиға йол қоймайдикән. Америка йеқинда җәнубий деңизға өзиниң икки авиаматка гурупписини әвәтип, хитай игилик һоқуқ тәләп қиливатқан бу деңизда һәрбий маневир башлиғаниди.

Пикирләр (0)
Share
Толуқ бәт