Уйғур аптоном районидики 11 миңдин артуқ кәнт вә аһалиләр районида қанун ишханиси қурулған

Мухбиримиз әркин
2020-04-10
Share

2019-Йили уйғур аптоном районидики 11 миң 577 кәнт вә иҗтимаий районда қанун мулазимәт ишханиси қурулуп, асасий қатламларға қарита әдлийә җәһәттики контроллуқ күчәйтилгән.

Шинҗаң гезити «ниң илгири сүрүшичә,» аммиви қанун мулазимәт ишханиси «намидики бу хил әдлийә тармақлири пүткүл районни қаплап, һәр бир кәнт, һәр бир иҗтимаий районда бир қанун мәслиһәтчиси болуш тәлипигә асасән райондики 12 миң 43 кәнт вә иҗтимаий районда қанун мәслиһәтчиси болушни ишқа ашурған. Лекин йәрлик таратқуларда бу хил» аммиви қанун мулазимити ишханилири «ниң конкрет хизмити вә функсийәсиниң немә икәнлики тилға елинмиған.

Йәрлик даириләр буниң алдида райондики йеза-базарларда» феңчав типи «дики йәрлик сотханиларниң қурулуп, дәва-дәстурларниң өз җайида һәл қилинидиғанлиқи, нормал сот мәһкимилиригә келишиниң алди елинидиғанлиқини билдүргән. Даириләр 2019-йили бу хил сотханиларниң 83 миң дәва-дәстурни бир тәрәп қилип, униң 99. 4 Пирсәнтиниң һәл қилинғанлиқини илгири сүргән. Лекин көзәткүчиләр, даириләрниң бу арқилиқ йәрлик хәлқниң дәва-дәстур ишлирида нормал сот системисидин пайдилинишиниң алдини елип, нурғун әрз-шикайәтләрни җайида тосуп қоюватқанлиқини билдүргән иди.

Лекин,» шинҗаң гезити «ниң қәйт қилишичә,» аммиви қанун мулазимити асасий қатламлардики иҗтимаий башқурушқа капаләт қилиш ролини толуқ җари қилдурмақтикән «. Даириләр йәнә кәнт, иҗтимаий районлардики бу хил әдлийә контроллуқини иҗтимаий алақә васитилири арқилиқму ишқа ашурған. Хәвәрдә қәйт қилинишичә, даириләр» 12348 шинҗаң қанун тори «намлиқ тор суписи қурған. Мәзкур тор суписиниң телефон юмтали үндидар қатарлиқ иҗтимаий алақә васитилиридә мулазимәт қилидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.