Qeshqer wilayiti boyiche 144 kespiy xizmet ornigha birmu kishi iltimas qilmighan

Muxbirimiz qutlan
2015.01.05

Qeshqer wilayetlik hökümet tor 4 ‏- yanwar küni wilayet boyiche her derijilik hökümet orunlirigha 144 kespiy xadim qobul qilidighanliqini élan qilghan. Halbuki, aridin ikki kün ötken bolsimu yuqiriqi xizmet orunlirigha birmu kishi tizimgha aldurmighan.

Melum bolushiche, torda élan qilin'ghan 144 kespiy xizmet orunliri ichide qeshqer wilayetlik qanunchiliq jem'iyiti, wilayetlik partiye mektipi, wilayetlik maliye bashqarmisi, wilayetlik intérnét uchurlirini bashqurush ishxanisi qatarliq idare-jem'iyetler bar iken.

Uqturushta yuqiriqi xizmet orunlirigha iltimas qilghuchilarning aldi bilen kespiy imtihan'gha tizimlitishi telep qilin'ghan.

Aliy mekteplerni püttürgen minglighan Uyghur yashliri ishsiz yürgen ehwalda qeshqer wilayitige qarashliq hökümet xizmitige birmu kishining iltimas qilmasliqi küchlük diqqet qozghimaqta.

Közetküchiler, yuqiriqi xizmet orunlirining mutleq köp qismining emeliyette xitaylarni nishan qilghanliqini, xitay ish izdigüchilerning weziyiti dawalghup turghan Uyghur élida yerliship xizmet qilishtin qorqqan bolushidek éhtimalliqni ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.