Uyghur karxaniliri Uyghur balilirining ana til öginishini qolaylashturidighan yéngi mehsulatlarni bazargha salmaqtiken

Muxbirimiz qutlan
2016-09-17
Share


Yéqinqi yillardin buyan, xitay hökümitining Uyghur élida "Qosh tilliq ma'arip" ni küchep yolgha qoyushi arqisida Uyghur balilirining mekteptiki ana til öginish muhitining barghanséri tariyip bériwatqanliqi melum.

Buning bilen ata - anilar, bolupmu Uyghur ziyaliylirining ana tilliq ma'aripqa bolghan endishisi barghanséri éship barmaqtiken. Halbuki, bir qisim Uyghur karxanichiliri Uyghur milliy ma'aripi duch kéliwatqan bu kirizisni tonup yétip, tijaret bilen milliy mewjutluq teqezzasini zich birleshtürüp, yéngi tiptiki éliktronluq balilar mehsulatlirini bazargha salmaqtiken.

Igilinishiche, ürümchidiki "Walley" xelq'ara soda shirkiti, qarluq xelq'ara soda shirkiti, irpan éliktron soda cheklik shirkiti qatarliq milliy karxanilar bazargha salghan ana til, milliy en'ene we milliy medeniyet terbiyesi élip bérishni meqset qilghan éliktronluq mehsulatlar Uyghurlar teripidin qizghin qarshi élinmaqtiken.

Bolupmu "Walley" shirkiti bazargha salghan walley élibbe taxtisi, dana toshqan, bilimxumar qonchiqi, walley téléfon, walley düm - düm, walley inzhinér, walley yürüshlükliri qatarliq mehsulatlar Uyghur balilirining qizghin qarshi élishigha érishken. Oyun bilen öginish birleshtürülgen bu mehsulatlar nöwette chet'ellerdiki Uyghur balilirinimu jelp qilmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet