Корлида 3 йиллиқ қош тил йәслисини һәқсизләштүрүш пилани инкас қозғиди

Мухбиримиз меһрибан
2016-12-06
Share

Даириләрниң уйғур районида қош тил маарипини омумлаштуруш үчүн, корла қатарлиқ җайларда 2017-йил ичидә төт яштин алтә яшқичә болған балилар үчүн "3 йиллиқ қош тил йәсли маарипи" ни һәқсизләштүрүш пиланини елан қилиши җиддий инкас қозғиди.

Хитайниң "җуңго маарипи тори" ниң 6-декабир хәвәр қилишичә, байинғолин аптоном областида 6-декабир сәйшәнбә күни ечилған "област тәвәсидә 3 йиллиқ қош тиллиқ йәслини һәқсизләштүрүш пилани" сәпәрвәрлик йиғинида, 2016-йил 12-айниң 6-күнигә қәдәр корлида област бойичә 142 орунда "қош тиллиқ йәсли" қурулуп, йәслиләрдики балилар саниниң 3963 нәпәргә йәткәнлики, һазирғичә 330 нәпәр қош тиллиқ йәсли оқутқучиси тәрбийиләнгәнлики, 2017-йиллиқ пиланда пүтүн област бойичә 4 яштин 6 яшқичә болған гөдәкләрдин 11 миң 678 балини 3 йиллиқ қош тиллиқ йәслиләрдә һәқсиз оқутуш әмәлгә ашуридиғанлиқи оттуриға қоюлған.

Мәзкур хәвәр хитай һөкүмитиниң уйғурларға қарита йүргүзүватқан қош тил маарипини "уйғур тили маарипини омумйүзлүк хитайчилаштуруш" сиясити дәп тәнқидләп келиватқан чәтәлләрдики уйғур тәшкилатлири, кишилик һоқуқ тәшкилатлири вә уйғур зиялийлириниң җиддий диққитини қозғиди. Бу һәқтә радийомизға пикир баян қилған уйғур зиялийлиридин илгири үрүмчидики мәлум университетта оқутқучилиқ қилған әнивәр әпәнди "қош тил маарипиниң йәслиләргичә кеңәйтилип, һәқсиз оқутуш намида омумлаштурулуши, хәлқара маарип қануни, һәтта хитайниң өзиниң маарип қануниға хилап қилмиш. Бу хил йүзлиниш уйғур гөдәклирини 7 яшқичә арилиқта аилидә ана тил өгинидиған муһитидинму айриветип, уйғур әвладлирини ана тил вә миллий өрп-адәт тәрбийисидин мәһрум қилиш сиясити" дәп әйиблиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт