Җәнубтики вилайәт вә наһийиләрдә йеза “қош тиллиқ йәсли қурулуши” җиддий рәвиштә елип берилмақтикән

Хитай һөкүмитиниң уйғур елида, болупму уйғур елиниң җәнубидики 3 вилайәт бир областта йеза “қош тиллиқ йәсли қурулуши” ға салған мәблиғиниң көплүки вә аталмиш “қош тиллиқ” маарипни омумлаштуруш җәһәттики қәдиминиң тезлики кишиләрниң тәсәввуридинму һалқип кәтмәктикән.

Керийә наһийилик һөкүмәт торидин мәлум болушичә, керийә наһийиси бу йил өз тәвәсидики йеза-кәнтләрдә йеңидин җәмий 108 орунда “қош тиллиқ йәсли” қурулуши елип беришни пиланлиған икән. Бу йил 3-айда бу түр бойичә қурулуш башланған болуп, һазирғичә 107 орундики “қош тиллиқ йәсли” қурулуши пүтүш алдида турмақтикән. Бу йил 8-айниң ахири наһийә тәвәсидә селиниватқан 108 “қош тиллиқ йәсли” ниң һәммиси пилан бойичә қурулуш тамамлап, ишқа кириштүрүлидикән.

Хотән вилайитиниң һәрқайси наһийилиридә җиддий қурулуватқан миңларчә йеза “қош тил йәсли” лиригә хитайчә билидиған зор миқдардики оқутқучилар қошуни лазим болуп, хотән вилайити бу йилниң башлирида 5408 нәпәр “қош тил” оқутқучиси қобул қилидиғанлиқини уқтурған. Һалбуки, хотән вилайәтлик маарип идариси 19-июл күни чиқарған бир җиддий уқтурушта техичә 3000 нәпәр “қош тил” оқутқучисиниң орни бош икәнликини билдүргән.

Қизилсу областиниң ақту наһийисиму өз тәвәликидики йеза “қош тиллиқ йәсли” қурулушини тамамлаш алдида турмақтикән. Ақту наһийилик һөкүмәт ториниң билдүрүшичә, наһийә даирилири җяңши өлкисидин хитай оқутқучиларни тәклип қилип, бу йил язлиқ тәтил мәзгилидә ақту наһийисидики 370 нәпәр йәрлик оқутқучини хитай тили бойичә мәхсус тәрбийәлимәктикән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар