Бейҗиңда чошқа вә өрдәк гөши арилаштуруп ясалған қой гөши мәһсулатлири байқалди

Мухбиримиз ирадә
2013-08-22
Share

Бейҗиң шәһәрлик сода-санаәтни мәмурий башқуруш идариси йеқинда бейҗиң шәһиридики йемәклик базирини тәкшүрүш җәрянида бейҗиңда ишләпчиқирилған бир қисим қой гөши мәһсулатлириға чошқа гөши вә өрдәк гөши арилаштурулғанлиқини ениқлап чиққан.

Даириләр дәрһал бу мәһсулатларни печәтлигән. Җиңхуа хәвәрләр ториниң хәвәр қилишичә, бейҗиң шәһәрлик йемәклик башқуруш тармақлири мәзкур вәқәдин кейин шәһәрдики барлиқ қой гөши мәһсулатлири үстидин таллап тәкшүрүш елип беришни қарар қилған.

Буниңдин сирт, тәкшүрүш җәрянида юқиридики сахта қой гөшидин сирт, маркилиқ һәсәл вә кәмпүткә охшаш 8 хил мәһсулатниңму өлчәмгә тошмайдиғанлиқи ениқланған.

Хитайдики йемәкликләрниң сүпәт мәсилиси пуқраларни биарам қиливатқан муһим мәсилиләрниң бири. Хитайда арқа-арқидин мәйданға кәлгән зәһәрлик сүт парашоки, ай тоқач, юндидин айрилған май қатарлиқ вәқәләр һәммиси алақидар даириләрни бир қатар тәдбирләрни елишқа мәҗбурлиған болсиму, әмма бундақ өлчәмсиз йемәклик вәқәси айиғи үзүлмәй садир болмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт