Чәтәлләрдики уйғурлар дуня мусулманлири билән биргә рамизан ейини башлиди

Мухбиримиз үмидвар
2014-06-29
Елхәт
Пикир
Share
Принт


Пүтүн дуня мусулманлири қатарида уйғур мусулманлириму мубарәк рамизан ейини башлиди.

Чәт ‘әлләрдә яшаватқан уйғурларниң әркин - азадә рамизан ейини башлап, өзлириниң тунҗи розисини тутушқа башлиди. Мәлум болушичә, явропа, америка, түркийәни өз ичигә алған оттура шәрқ әллиридики уйғурларниң хели көп қисими 28 - июн күни роза тутушни башлиған болса, йәнә көп бир қисими 29 - июн башлиған.

Америкидики уйғурларниң хели көп қисими 28 - июн күни, йәнә бир қисими 29 - июн күни роза тутушни башлиған.

«11 Айниң султани» дәп аталған рамизан ейиниң мусулманлар үчүн дуа - тилавәт, хәйр - сахавәт һәмдә өзара қериндашлиқ, достлуқ, тинчлиқ вә иттипақлиқ туйғунлирини күчәйтиш ейи икәнлики мәлум.

Көзәткүчиләрниң йәкүничә, 30 күнлүк роза тутуш арқилиқ ачлиқ, уссужлуқниң тәмини тетип, ачлиқ, йоқсуллуқ ичидә яшиған инсанларға ярдәм бериш, инсанлар ара өзара көйүнүш һәм меһри - муһәббәтни ашурушниң муһимлиқини чүшинип йәткили болиду.

Бу йиллиқ рамизан ейи томузниң әң иссиқ вә күнниң әң узун вақтиға тоғра кәлгән болуп, роза тутуш вақти әң узун һесаблиниду.

Мәлум болушичә, сабиқ совет иттипақидин айрилип чиққан оттура асия җумһурийәтлири вә һәрқайси ғәрб мәмликәтлиридә яшаватқан уйғурлар арисида роза тутуш, рамизан ейини қәдирләш әнәниси күчийишкә башлиған.

Уйғурлар арисида коллектип иптарлаш қатарлиқ адәтләр күчийишкә башлиған болуп, бу уйғурлар арисидики бирлик, өмлүк туйғуси вә өз милли вә диний әнәнилирини сақлашта пайдилиқ икән. Нөвәттә, һәр қайси җәмийәтләрниң коллектип иптарлаш паалийәтлири башлинип кәткән.

Пикирләр (0)
Share
Толуқ бәт