Американиң ранди ширкити хитай лагерлирида ғайиб болған уйғурларниң изини көзәтмәктикән

Мухбиримиз әркин
2021-04-30
Share

Америкадики нупузлиқ тәтқиқат орунлиридин бири болған ранди ширкити америка дөләтлик җуғрапийә истихбарат идариси билән һәмкарлишип, сүний һәмра сүрәтлири арқилиқ хитайниң уйғур елидики җаза лагерлириниң әһвалини тәкшүрмәктикән. Ранди ширкитиниң 29-април елан қилған бу һәқтики доклатида, хитай һөкүмити лагердикиләрниң оқуш пүттүргәнликини қәйт қилсиму, лекин сүний һәмраһ сүрәтлириниң вәзийәтни башқичә чүшәндүриватқанлиқини билдүргән.

Ранди ширкитиниң "хитайдики ғайиб болған уйғурлар: сүний һәмраһ сүрәтлири немиләрни чүшәндүрди" мавзулиқ доклатида ашкарлишичә, 2019- вә 2020-йиллиридин башлап хитай һөкүмити уйғурларни қисқа муддәтлик тутуп "қайта тәрбийәләш" тин узун муддәтлик қамашқа өзгәргән. Ранди ширкитиниң программа анализчиси катерн фроммер ранди ширкити еришкән сүний һәмраһ сүрәтлири "бизгә хитайниң ғәрбидики йәр йүзидә немә ишларниң болуватқанлиқи тоғрисида ениқ дәллиләрни бәрди," дегән.

Униң ейтишичә, "кириш рәт қилинған бундақ районда шараитниң қандақ өзгиридиғанлиқи вә тәрәққий қилидиғанлиқини билиш мүшкүл болуп, сүний һәмраһ сүрәтлири уларға бу учурға еришишниң йолини ечип бәргән. Доклатта ейтилишичә, хитай лагерларни ‍инкар қилсиму, бирақ райондики бу хил орунларниң йерими дегүдәк 2020-йилниң оттурилириғичә изчил актип һаләттә болупла қалмай, бәлки йәнә давамлиқ кеңәйгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт