Rubiyo bilen simis xelq'ara olimpik komitétidin béyjing qishliq olimpikini kéchiktürüshni yene telep qilghan

Muxbirimiz erkin
2021-10-22
Share

Amérika dölet mejlisining nupuzliq ikki jumhuriyetchi ezasi 21-öktebir xelq'ara olimpik komitétining prézidénti tomas baxqa yene xet yézip, béyjing qishliq olimpikini kéchiktürüshni telep qilghan.

Amérika kéngesh palata ezasi marku rubiyo bilen awam palata ezasi kristofér simis tomas baxqa yazghan xétide, eger xitay hökümiti 2022-yil 2-ayghiche özining qilmishini özgertmise, qishliq olimpikni bashqa döletke yötkeshni telep qilghan. Ularning tekitlishiche, "Olimpik tenheriket musabiqisi hökümiti irqiy qirghinchiliq qiliwatqan bir dölette ötküzülmesliki kérek," iken.

Ular xétide amérikaning her ikki nöwetlik hökümiti xitayning Uyghur we bashqa musulman milletlerge qarita sadir qilghan heriketlirini "Irqiy qirghinchiliq" dep békitkenliki, kanada, en'giliye, gollandiye, létwa, chéx, bélgiyeningmu oxshash qarar chiqarghanliqi, gérmaniyening oylishiwatqanliqi, bu yil 3-ayda 30 din artuq xelq'ara qanun mutexessisining xitayni "B d t irqiy irqiy qirghinchiliq ehdinamisigha xilapliq qildi" dep höküm qilghanliqini éytqan. Bu marku rubiyo bilen kristofér simisning xelq'ara olimpik komitétigha yéqinqi 6 ay ichide 2-qétim xet yézishidur.

Ular bu yil 23-iyul küni yazghan xétidimu qishliq olimpikni kéchiktürüshni telep qilghan. Biraq olimpik komitéti ulargha yazghan jawap xétide özlirining "Dunyawi siyasette biterep" ikenlikini ilgiri sürgen. Lékin rubiyo bilen simis 21-öktebir yazghan xétide: "Irqiy qirghinchiliqqa qarshi turush exlaqi qarar, bu hergiz siyaset emes. Exlaqi qarar chiqirish mes'uliyitige kelgende xelq'ara olimpik komitétining alahide imtiyazi yoq," dep körsetken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet