Sayragül sawutbay amérikada xelq'araliq mukapatqa érishti

Muxbirimiz eziz
2020-03-04
Élxet
Pikir
Share
Print

Amérika tashqi ishlar ministirliqi 4-mart küni mexsus murasim ötküzüp, 2020-yilliq "Jesur ayallar xelq'ara mukapati" ni tarqatti. Shu qatarda Uyghur diyaridiki lagérlar heqqide gherb dunyasigha deslep bolup guwahliq bergen shahitlardin sayragül sawutbaymu bu yilliq 12 neper mukapat sahibining biri bolup, mukapatni tapshuruwaldi.

Mukapat tarqitish murasimida amérika tashqi ishlar ministiri mayk pompéyo we amérikaning "Birinchi xanimi" mélénéya tramp mexsus söz qildi. Mayk pompéyo sayragülning Uyghur diyaridiki lagérda bashtin kechürgen kechmishlirini eslep ötkech, uning baturluq bilen kökrek kérip algha chiqqanliqi hemde xitay hökümitining lagérlardiki wehshiyliklirini dunyagha pash qilghanliqigha yuqiri baha berdi. U "Sayragül xitay hökümitining musulmanlargha némilerni qiliwatqanliqi heqqide tunji bolup guwahliq bergüchilerning biridur," dep körsetti.

Melum bolushiche, bu yilliq mukapat tarqitiliwatqili 14 yil bolghan bolup, tashqi ishlar ministirliqining bu mukapati dunya miqyasidiki ayallarning shija'et we jesurluqqa tolghan türlük baturane pa'aliyetlirini righbetlendürüshni meqset qilidiken.

Toluq bet