Көп дөләт рәһбәрлири сәуди падишаһи абдулланиң вапатиға тәзийә билдүрди

Мухбиримиз үмидвар
2015-01-25
Share


Сәуди әрәбистан падишаһи абдулла җүмә күни вапат болғандин кейин, шәнбә күнидин башлап, көп дөләт башлиқлири риядқа йетип келип тәзийә билдүрди.

Б б с агентлиқиниң хәвәр қилишичә, шәнбә күни риядқа йетип келип, тәзийә паалийитигә қатнашқанлар ичидә әнглийә баш министири давид камерон, франсийә президенти оланд франсуа, америка муавин президенти җов байдин қатарлиқлар бар икән.

Хитай тәрәптин шәнбә күни дөләт ишлири комиссари яң җйечи риядқа йетип келип, тәзийә билдүрди.

Иран ташқи ишлар министириму өз тәзийәсини билдүргән.

Йәкшәнбә күни өзиниң һиндистан сәпирини башлиған америка президенти обама бир қисим паалийәтләрни қисқартип, сәйшәнбә күни риядқа йетип келип, сәуди әрәбистаниң йеңи падишаһи билән көрүшидикән.

2005 - Йилидин тартип, сәуди әрәбистан америкиниң әрәб дунясидики асаслиқ иттипақчисиға айланған иди.

Сәуди әрәбистан падишаһи абдулла 90 яш өмүр көргән болуп, униң өпкә кесили билән вапат болғанлиқи билдүрүлди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт