Сәуди әрәбистан, б д т хәвпсизлик кеңишидә вәзипә елишни рәт қилди

Мухбиримиз шөһрәт һошур
2013-10-18
Share

Б д т ниң бу қетимлиқ омуми йиғинида, хәвпсизлик кеңишиниң вақитлиқ әзалиқиға йеңидин сайланған 5 әза дөләттин бир болған сәуди әрәбистан хәвпсизлик кеңишидә вәзипә елишни рәт қилди вә рәт қилиш сәвәбини кеңәшниң өз ролини җари қилдуралмайватқанлиқини дәп көрситилди.

Хәвпсизлик кеңишидә бир ислаһат елип берилмиғучә вәзипә өтәшни рәт қилидиғанлиқи билдүрүлгән сәуди әрәбистан баянатида: хәвпсизлик кеңишиниң хизмәт усули вә принсипи, шундақла униң қош өлчәмлири дуня тинчлиқини қоғдаштин ибарәт вәзиписини иҗра қилишқа тосалғу болмақта, дейилди.

Сәуди әрәбистан ташқи ишлар министирлиқи тор бетидә елан қилинған бу һәқтики баянатта, б д т хәвпсизлик кеңишиниң өз пуқралирини қирғин қиливатқан сүрийә һөкүмитигә химийиви қораллирини йиғивелиштин башқа һазирға қәдәр үнүмлүк бир тәдбир қолланмиғанлиқини, хәвпсизлик кеңишиниң иқтидарсизлиқиға пакит қилип көрситилди. Сәуди әрәбистан сүрийәдә ички уруш башланғандин буян америка вә ғәрб дөләтлири билән бирликтә исянчиларни қоллап кәлмәктә; хитай билән русийә болса бәшар әсәд һөкүмитини қоғдап кәлмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт