Шаһитлар уйғуршунаш адриян зензниң уйғур балилири һәққидики санлиқ мәлуматини дәлиллигән

Мухбиримиз әркин
2020-10-19
Елхәт
Пикир
Share
Принт

Уйғур елидики шаһитлар италийәдики диний әркинлик тори «зимистан» ға германийәлик уйғуршунас адриян зензниң балилар лагерлиридики уйғур пәрзәнтлиригә даир санлиқ мәлуматини дәлиллигән. «Зимистан» ториниң 18-өктәбир хәвәр қилишичә, мәзкур торниң мухбирлири хитайниң 2017-йили башланған чоң тутқунида ата-аниси тутқун қилинип, қаранчуқсиз қалған уйғур балилириниң ечинишлиқ тәқдирини өз көзи билән көргән шаһитларни зиярәт қилған. Улар миңлиған уйғур пәрзәнтлириниң түрмигә охшаш ятақлиқ мәктәпләргә әвәтилгәнликини билдүргән.

Адриян зенз йеқинда доклат елан қилип, йүз миңлиған уйғур балилириниң ятақлиқ балилар лагерлирида тутуп туруливатқналиқи, уларниң көп қисминиң ата-анилириниң лагер, түрмиләрдә икәнликини ашкарилиған. Униң доклатидики санлиқ мәлуматлар хитай йәрлик һөкүмәтлириниң һоҗҗәтлирини асас қилған. Адриян зенз доклатида йәкән наһийәсиниң өзидә 10 миңдин артуқ уйғур балиниң балилар лагерида икәнлики, уларниң һәммисиниң ата-аниси яки ата-анисиниң бириниң лагерда икәнликини илгири сүргән.

«Зимистан» ториниң тәкитлишичә, рошәнгул исимлик бир шаһит аял 2017-йили чоң тутқун башланғанда өйиниң алдидики сақчиханида йүз бәргән ишларни «зимистан» ға ашкарилиған. У, әр-аял уйғур тутқунлириниң сақчиханиға тутуп келинип, қандақ елип кетилгәнлики, уларниң қаранчуқсиз пәрзәнтлириниң сақчиханидики бир залға топлинип, балилар лагерлириға йолланғанлиқини билдүргән. Хәвәрдә, бу балиларниң тәқдириниң қандақ болғанлиқи ениқ әмәслики, уларниң ши җинпиң тәрипидин «йеңи ера» дәп пәрдәзләнгән бу системиниң тапини астида ғайип болғанлиқи тәктиләнгән.

Пикирләр (0)
Share
Толуқ бәт