Пакистан вә һиндистанниң "шаңхәй һәмкарлиқ тәшкилати" ға рәсмий әзалиқи җакарлинидикән

Мухбиримиз ирадә
2017-06-01
Share

Һиндистан ахбарат ториниң хәвәр қилишичә, һиндистан билән пакистанниң "шаңхәй һәмкарлиқ тәшкилати" ға рәсмий әза сүпитидә қобул қилинғанлиқи мушу ай ичидә җакарлинидикән. Хитай ташқи ишлар министирлиқи баянатчиси хуа чүнйиң пәйшәнбә күнидики мухбирларни күтүвелиш йиғинида, мушу ай ичидә қазақистанниң пайтәхти астанада ечилидиған шаңхәй һәмкарлиқ тәшкилати башлиқлар йиғинида, пакистан вә һиндистанниң әзалиқиниң рәсмий һалда җакарлинидиғанлиқини, буниң   2001-йили тәшкилат қурулғандин буян тәшкилатниң тунҗи қетимлиқ кеңийишни ишқа ашуруши болуп һесаблинидиғанлиқини билдүргән.

Хуа чүнйиң йәнә " буниң билән шаңхәй һәмкарлиқ тәшкилати әң көп земин вә нопусни өз ичигә алған район характерлик бир тәшкилат болуп қалғуси" дегән. Чәтәлләрдики көзәткүчиләр юқиридики бу қарарниң америка президенти доналд трамп хәлқара сәһнидин чекиниш сиясити йүргүзүватқан бир шараитта оттуриға чиқишиниң диққәт қозғайдиғанлиқини билдүрмәктә.

Хитай башчилиқида  йили қурулған "шаңхәй һәмкарлиқ тәшкилати" ниң русийә, қазақистан, өзбекистан, таҗикистан вә қирғизистан қатарлиқ 6 рәсмий әзаси бар болуп, иран , түркийә вә әрминийә қатарлиқ 10 дөләтму көзәткүчи дөләтләр қатарида тәшкилатниң йиғинлириға қатнишип кәлмәктә. Шаңхәй һәмкарлиқ тәшкилати әза дөләтләр ара һәрбий һәмкарлиқни илгири сүрүш мәқсәт қилған бир тәшкилат болуп, нурғун көзәткүчиләр хитай һөкүмитиниң бу тәшкилатни уйғур елидики һакимийитини қоғдап қелиш үчүн қурғанлиқини илгири сүриду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт