Amérika dölet ishlar ministirliqi: shawket we rexim hoshurlarning qoyup bérilgenlikini qarshi alimiz

Muxbirimiz erkin
2016-01-01
Share


Amérika dölet ishlar ministirliqi peyshenbe küni bayanat élan qilip, xitayning erkin asiya radi'osi muxbiri shöhret hoshurning ikki qérindishi shawket hoshur we rexim hoshurning qoyup bérilgenlikini qarshi alidighanliqini bildürdi.

Dölet ishlar ministirliqi sherqiy asiya - tinch okyan bölümining bayanatchisi anna richéy - allén "Washin'gton pochta géziti" ge bergen bayanatida, "Amérika erkin asiya radi'osi muxbiri shöhret hoshurning qérindashliri shawket we rexim hoshurlarning qoyup bérilgenlikini qarshi alidu" dégen.

U yene, "Bu ikki qérindash 2014 - yili 8 - ayda 'dölet bixeterlikige xewp yetküzdi', 'dölet mexpiyetlikini ashkarilidi' dégen müjmel bir eyiblesh bilen tutqun qilin'ghan. Biz ularning türmige solinishigha izchil endishimizni bildürüp kelgen iduq" dep tekitligen.

Shawket we rexim hoshurlar 30 - dékabir ürümchidiki türmidin qoyup bérilip, qorghas nahiyesidiki a'ilisige qayturup kélin'gen. Emma ularning qandaq shert astida qoyup bérilgenliki melum emes.

Amérika dölet ishlar ministirliqi bayanatchisi yene, xitay da'irilirini shöhret hoshurning türmidiki inisi tudaxun hoshurni qoyup bérishke chaqirghan.

Tudaxun hoshur 2014 - yili 6 - ayda "Dölet bixeterlik tehdit sélish jinayiti" bilen eyiblinip 5 yilliq qamaq jazasigha höküm qilin'ghan idi.

Xitay hökümiti shöhret hoshurning qérindashlirini "Dölet xewpsizlikige tehdit sélish" bilen eyiblisimu, emma axbarat erkinlik teshkilatliri buning shöhret hoshurdin öch élishni meqset qilghanliqini ilgiri sürüp keldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet